Уште еден лекар во Албанија почина како последица на корона вирусот.

Станува збор за еден од најпознатите албански епидемиолози, Вилсон Топули, со бројни научни трудови, кој се соочил со повеќе епидемии кои владееле во земјата.

Веста ја објави Силва Бино, началник на одделот за епидемиологија при Институтот за јавно здравје во Тирана, емотивно простувајќи се од својот долгогодишен колега.

Оваа пандемија ни го зеде колегата Вилсон Топули. Тој беше историја и меморија на ИЈЗ. Прости ни што не успеавме да те спасиме – напиша меѓу другото Бино на Фејсбук.

Од 30 јуни кога битката со вирусот ја изгуби Арјан Пуши, познат хематолог, професор на Медицинскиот факултет во Тирана, Топули е петти лекар кој умира како последица од Ковид-19.

Овој месец во Албанија во просек дневно се регистрираат по над 150 новозаразени. Во исто време се зголемува и бројот на починати, во просек по четворица пациенти дневно.

Според официјалната статистика, позитивни се 18 до 20 проценти од тестираните во секое деноноќие.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.