Во Србија денеска се потврдени 2.180 новозаболени од Ковид-19, додека од последиците на оваа болест починаа 49 лица.

Тестирани биле 14.444 примероци, а на респиратор има 203 пациенти.

Седница на Кризниот штаб закажана е за среда, а медиумите во Србија пренесоа дека медицинскиот дел од тој тим барал денеска да се одржи итна седница поради новиот омикрон сој, кој се поблику е до Србија, а се зголемува бројот на пациенти во европските земји.

Покрај новиот сој, тема на состанокот треба да биде и поместувањето на зимскиот распуст на учениците.

Здравствената струка бара распустот да почне порано, а епидемиологот и член на Кризниот штаб д-р Предраг Кон, рече дека распустот треба да почне поради доаѓањето на иселениците од странство пред Божик.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.