Со цел да се спречи загадувањето на воздухот и да се зголеми општата безбедност поголемиот број словенечки градови ги откажаа традиционалните новогодишни огномети, јави дописникот на МИА од Љубљана.

Од поголемите градови први на ваков чекор се решија Марибор и Целје, а локалните власти најавија дека точно на полноќ, наместо огномет ќе има аудио и видео перформанси. Други градови пак најавија дека огнометот ќе го заменат со био-разградливи конфети.

Дополнително, некои градови и општини комплетно ги забранија пиротехничките средства со цел да се не се загадува воздухот, да се зголеми безбедноста и да не се вознемируваат животните.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.