Заминувајќи од Црна Гора, српскиот патријарх Порфириј, кој во Цетиње присуствуваше на устоличување на митрополитот црногорско-приморски Јоаникије, за што со денови имаше немири низ земјата, испрати емотивна порака на „Инстаграм“.

Се разделувам, се надевам не долго, со оваа блажена земја и народ, со двојни чувства. Многу сум среќен затоа што ја завршивме работата на Црквата, го устоличивме митрополитот според волјата на Црквата и луѓето од оваа епископија, луѓето кои длабоко ја сакаат Светосавската црква. Но, јас сум и повеќе од тажен, дури и запрепастен од фактот дека на повидок имаше некои луѓе кои имаа намера да го спречат овој чин на љубов кон сите со снајперска пушка. Им благодарам на сите, жал ми е за сите што беа повредени на било кој начин и барам прошка. Му се молам на Бога за оваа земја, за овој народ и за сите луѓе, и ги молам да се молат за мене, бидејќи тие се поблиску до Бога, напиша патријархот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.