Обилните дождови што ја погодија Романија во последните 24 часа предизвикаа поплави во 12 области и однесоа една жртва на северо-истокот на земјата.

Телото на удавен човек е иизвадено од реката кај селото Хандрести, во округот Јаси, соопшти денеска Генералниот инспекторат за вонредни ситуации на Романија (ИГСУ).

Поплавите ги зафатија областите Алба, Брашов, Караш-Северин, Дамбовица, Доj, Хунедоара, Јаси, Марамурес, Мурес, Неамт, Прахова и Темис.

Покрај тоа, електричната мрежа е оштетена во 22 области и погоди околу 7.000 потрошувачи, пренесува новинската агенција Аџерпрес.

Патиштата низ целата земја се оштетени од поплавите и паднатите дрвја.

Чистењето сè уште трае во неколку области, како што објави ИГСУ..



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.