Полската влада сака да ја продолжи забраната за меѓународни летови до 25 август 2020 година за 45 земји, пренесува порталот „Екс-ЈУ Авијација“.

Земјите на кои забраната за летање ќе продолжи да се применува се, меѓу другото, Србија, Босна и Херцеговина, Македонија и Црна Гора.

ЛОТ- најголемата полска авиокомпанија која лета за Скопје, Подгорица и Белград, во моментов планира да ги продолжи операциите во главниот град на Македонија и Србија во септември, додека летовите кон Подгорица се прекинати до почетокот на зимската сезона 2020/2021 година.

Одлуката на владата во Варшава ќе влијае и врз работењето на Виз Ер и Рајанар од Полска до Подгорица.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.