Почнува производството на „Спутинк“, Србија станува првата земја во Европа која ќе произведува вакцини против коронавирус

Во Србија денес започнува производството на руската вакцина „Спутник V“ против коронавирусот.

Авион од Русија со компоненти за руската вакцина слета во Белград во четвртокот вечерта.

Министерот во Владата на Србија задолжен за иновации и технолошки развој, Ненад Поповиќ, во четвртокот изјави дека сè е подготвено во „Торлак“ и дека производството на руската вакцина ќе започне попладнево.

Тој за РТС изјави дека четири милиони вакцини „Спутник V“ ќе бидат произведени во првиот период од четири до шест месеци.

Додаде дека вакцината ќе се користи првенствено за граѓаните на Србија, бидејќи таков е договорот меѓу претседателите на Русија и Србија, Владимир Путин и Александар Вучиќ, но и дека Србија ќе му помогне на регионот.

Се очекува првата вакцина од „Торлак“ да достигне точка на вакцинација за 10 дена.

На 19 мај, Рускиот национален институт за епидемиологија и микробиологија „Гамалеја“ го потврди квалитетот на вакцината произведена во „Торлак“ и одобри вакцината „Спутник V“ да се произведува во овој српски институт во иднина.

Така, Србија ќе стане првата земја во Европа која ќе произведува вакцина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.