Од вчерашниот силен земјотрес што ја погоди Албанија, досега се регистрирани 524 земјотреси во областа, според одделот за сеизмологија при Институтот за наука во Тирана.

Четири регистрирани земјотреси имаа јачина поголема од 4,5 степени по Рихтеровата скала, вклучувајќи го и оној со разурнувачка јачина од 6,3 степени, евидентиран вчера во 03.55 часот.

Во меѓувреме, дури седум потреси биле со интензитет од 4 до 4,5 степени, околу 17 меѓу 3,5 и 3,9 степени, додека другите биле послаби.

Најновиот земјотрес беше утрово со јачина од 3,4 степени, со епицентарот во Јадранското Море, пренесува АТА.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.