Новата академска 2021/2022 година, во Албанија, почна денеска, но, во тензична ситуација на повеќето факултети, поради условот за влез студентите да поседуваат сертификат за вакцинација или негативен тест на Ковид-19.

Најтензично било на Факултетот по историја и по филологија во Тирана, каде дошло до судир на студентите со тројцата полицајци кои биле на влезот во факултетот.

Оние што имале документ за вакцинација или негативен тест влегле без проблеми, но оние што не ги исполнувале условите откако не им бил дозволен влез почнале со противење.

Националниот комитет на експерти за справување со пандемијата донесе одлука со која студентите задолжително треба да поседуваат сертификат дека се вакцинирани или негатвен ПЦР тест.

Со цел поголема опфатеност Министерството за образование за една седмица го одложи почетокот на академската година за да им се даде можност на студентите да се вакцинираат а министерството за здравство отвори вакцинални пунктови во сите високо образовни институции.

Сепак според надлежните имунизирани се само околу 50 отсто од студентите. Најслаба опфатеност има на универзитетот во Елбасан само 30 отсто. Сето тоа поради нивното противење да се вакцинираат.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.