Словенечката опозиција не успеа да изгласа недоверба на член на владата на премиерот Јанез Јанша, така што министерот за економија и вицепремиер Здравко Почивалшек останува на функцијата.

Гласањето за смена на Почивалшек се одржа на маратонската парламентарна дебата. За смена гласа 37 членови на опозицијата, додека 51 член на владејачките партии беа против.

Интерпелацијата беше иницирана поради сомневања дека има корупција, фаворизирање на одредени компании, преплатување опрема и други неправилности при набавка на потребната медицинска опрема за време на епидемијата Ковид-19, за која беше задолжен Почивалшек.

Тој е претседател на Партијата на модерниот центар и една од најголемите партнери на премиерот, за кои некои опозициски пратеници велат дека е вистински виновник за нетранспарентните зделки со увоз на заштитна опрема.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.