Додека македонските пожарникари чекаат донација за нови возила или пак си предаваат од општина во општина веќе искористени и дотраени пожарни, во Србија вчера потпретседателот на Владата и министер за внатрешни работи Небојша Стефановиќ предаде 20 противпожарни камиони и 60 теренски возила на Секторот за вонредни ситуации, кои Министерството за внатрешни работи на Србија ги набави со цел унапредување на работата на пожарникарите.

Министерот притоа истакна дека вкупно од почетокот на 2019 година, Министерството за внатрешни работи на Србија, набавило 46 противпожарни спасувачки камиони, 185 теренски возила, 19 комби возила и 54 патнички возила за сите организации на Секторот за вонредни ситуации.

 

Покрај набавката на возилата, министерството набавило и 2.350 комплетно нови интервенти униформи за секој пожарникар во државата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.