Министерката за регионален развој на Бугарија Виолета Комитова денеска ќе ги презентира резултатите од инспекцијата што беше направена на автопатот „Струма“ по автобуската несреќа на 23 ноември во која животот го загубија 45 лица.

Како што јави дописникот на МИА од Софија, министерката Комитова нареди инспекција на делницата меѓу Драгичево и Горна Дикања откако беа констатирани проблеми во патната инфраструктура, кои можеле да придонесат за фаталната несреќа.

Обележувањето на патот кое не е завршено, како и со заштитните огради кои не се заменети според новите барања, се дел од регистрираните проблеми, како и поголемата дозволена брзина што не одговара на условите на патот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.