Албанскиот претседател Илир Мета изрази длабоко сочувство до семејствата на загинатите во тешката сообраќајна несреќа што вчера попладне се случи на патот Скопје-Тетово, кај селото Ласкарци.

На својот профил на Фејсбук тој напиша дека е длабоко погоден и тажен од страшната вест и е духовно со семејствата на настраданите.

Длабоко погодени и тажни од шокантните вести за загубените животи во трагедијата со автобусот на автопатот Скопје-Тетово. Во овие тешки мигови духовно сме до семејствата погодени од оваа трагедија, до роднините и пријателите на жртвите и сите граѓани на Македонија погодена од ова трагедија! Длабоко и искрено сочувство и братска солидарност! Искрени желби за брзо закрепнување на повредените – напиша Мета.

Длабоко сочувство до најблиските на загинатите изрази и претседателот на албанскиот парламент Грамоз Ручи.

Сите сме силно потресени од трагедијата што се случи. Ја споделуваме длабоката болка со семејствата за загубата на нивните сакани. Братска солидарност со граѓаните на Гостивар- изјави Ручи.

Претходно, длабоко сочувство до семејствата на загинатите изрази и премиерот Еди Рама наведувајќи дека „духовно сме покрај семејствата на настраданите и пријателската земја“.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.