Додека во албанскиот Парламент се одвива дебата околу барањето за разрешување на шефот на државата, а лидерот на опозициската Демократска партија, Љуљзим Баша изјави дека земјата е на „праг на државен удар“, претседателот Илир Мета преку Фејсбук, упати апел до сите политчки актери да покажат одговорност.

Албанија има потреба од максимална рефлексија на одговорност од сите политички актери!, напиша Мета, апелирајќи да не се дозволи да се пропушти шансата земјата да направи чекор напред кон Европа. Не смееме да го пропуштиме овој историски момент да направиме чекор напред кон Европа. Ние вложуваме максимални напори да не не одвојат од напредокот на нашиот сосед Македонија. Побрзото отворање на преговорите за членство е историска обврска за сите оние кои ја сакаат Албанија како Европа! – напиша Мета.

Во текот на денот Мета продолжи со средби со лидерите на помалите политички партии, имаше средба и со висок претставник на американската амбасада во Тирана.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.