Новоотворената Амбасада на Косово во Израел, во координција со Министерството за надворешни работи, за попладнево организира виртуелна средба на косовскиот министер за здравство Арменд Земај со неговиот израелски колега Иули Еделстеин, јави дописникот на МИА од Приштина.

Според соопштението на косовкото МНР, средбата е организирана со цел да се разговара за помошта од страна на Израел за набавка на вакцини против Ковид-19 за народот на Косово.

Израел изрази подготвеност да ги исцрпи сите можности за да му помогне на Косово во обезбедувањето на потребните дози на вакцини, се вели во соопштението.

Средбата преку видео-врска на двајцата министри за здравство е закажана за денеска во 16 часот.

Иако претходно имаше информации дека е постигнат договор со компанијата Фајзер и дека е потврдена доставата преку програмата Ковакс, Косово се уште нема набавено вакцини.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.