Лидерот на опозициското движење Двери, Бошко Обрадовиќ на почетокот на собраниската седница, на која треба да се прогласи укинување на вонредната состојба дуваше во свирче, по што од обезбедувањето беше изнесен од салата.

Како што јави дописникот на МИА од Белград, Обрадовиќ предизвика инцидент во моментот кога првиот спикер, Маја Гојковиќ и даде збор на премиерката Ана Брнабиќ, застанувајќи пред местото каде седат министрите и премирката Брнабиќ, за да почне да свири со свирче.

Гојковиќ најпрво му изрече две опомени, по што го исклучи од седницата, наредувајќи на обезбедувањето да го отстранат Обрадовиќ од Собранието, на што тој се спротивстави, одговарјќи дека сите мораат да се држат на растојание од два метри, како што е предвидено со мерките за епидемијата на новиот коронавирус.

Седницата потоа беше прекината од страна на Гојковиќ, се до „извршување на мерката“, додека Обрадовиќ продолжи да свири и да вика „Долу (Александар) Вучиќ, долу Влада“, држејќи се за српското знаме, по што беше исфрлен од салата.

Седницата на Собранието потоа породолжи со работата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.