Премиерот Андреј Пленковиќ денеска повторно апелираше од хрватскиот парламент до граѓаните да се вакцинираат против коронавирус и рече дека Хрватска има 1,3 милиони неискористени дози вакцини.

Секоја вакцинирана личност, секоја спречена инфекција денес, живот е спасен утре – рече Пленковиќ.

Тој потсети дека во Хрватска до денес вакцинирани се нешто повеќе од 46% од возрасната популација и посочи дека без висока стапка на вакцинација, вирусот не може да се победи.

Пленковиќ рече дека владата преку мерки и поддршка ги зачувала работните места за време на пандемијата и дека сега влегува во нова фаза – создавање работни места, објавија хрватските медиуми.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.