Демонстрантите во Нови Сад вечерва со камења ги искршија прозорците на Градската куќа, а претходно ја искришја и влезната врата на зградата на РТ Војводина, при што едно лице беше повредено.

Брзата помош интервенирала во РТВ, а пожарникарите интервенирале пред Градското собрание.

Дел од граѓаните вечерва останаа пред РТВ, додека другиот дел од демонстрантите се упатија кон Градското собрание и по пат со камења ги нападнаа и просториите на владеачката СНС, кршејќи ги прозорсите од просториите.

Граѓаните пред Градското собрание извикуваа „Вучиќ, каде си“ и „Многу не има“, а упатуваа и навреди кон српскиот претседател и лидер на СНС.

Демонстрантите, инаку, се собраа вечерва во 18 часот на протест против најавеното воведување полициски час. Тие, исто така, и синоќа протестираа по вонредната конференција на српскиот претседател, за која, како што велат, била и поддршка за демонстрантите во Белград.

Освен во Белград и Нови Сад, вечерва на протести се собраа и граѓаните на Ниш и Крагуевац.

Повеќе десетици граѓани на Ниш го блокираа вечерва сообраќајот, а пристигнувањето на полицијата беше пречекано со свирежи и извици „кучиња, кучиња“. На демонстрантите им се приклучила и голема група млади луѓе.

На платото пред Градското собрание на Крагуевац, исто така, во 19 часот се собраа незадоволни граѓани од постапките на власта во Србија.

Демонстрантите бараат оставка на Кризниот штаб и конечно да се каже вистината за епидемијата која ја зафатила земјата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.