Грчката влада планира да изгради 20 нови центри за бегалци и мигранти со капацитет да примат од 500 до 2000 лица. Овие прифатни центри ќе бидат лоцирани во осум различни периферии во Грција, објавува грчкиот весник „Real news“.
Станува збор за центри кои ќе функционираат на поразличен начин од веќе постоечките. Ќе бидатнаменети за лицата кои имаат право на азил и ќе ја имаат карактеристиката на т.н. „контролирани“ објекти.
Весникот пишува дека на влезот на центрите ќе бидат поставени електронски рампи, а секој од бегалците ќе има електронска карта со посебен баркод за влез и излез од објектот, со цел да се избегне актуелната ситуација во која нема контрола кој влегува и излегува од камповите.
Пелопонез, Крит, централна и северна Грција, Епир се регионите што веројатно ќе се изградат новите центри.
Според грчкиот весник, конкретниот план на владата ќе се разгледа на утрешниот состанок на министерот за миграција и азил Нотис Митарас, заменикот министер за одбрана и национален координатор за бегалското прашање, Алкивиадис Стефанис и министерот за внатрешни работи Такис Теодорикакос, а целта е конечните одлуки за 20те нови центри да се донесат најдоцна до крајот на месецов.
Грчката влада веќе најави дека на островите, сегашните кампови ќе бидат затворени, а ќе бидат изградени нови затворени центри.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.