Претседателот на Турција, Реџеп Тајип Ердоган предупреди дека секој напад врз турскиот брод што истражува нафта и гас во спорните води нa Средоземно Море ќе биде енергично казнет.

Кажавме дека ако го нападнат „Оруч Реис“ ќе платат висока цена, а тие денеска го добија својот прв одговор – истакна Ердоган синоќа без да изнесе детали.

Турскиот брод „Оруч реис“ во понделеникот со воена придружба полна да истражува нафта и гас во водите помеѓу Крит и Кипар.

Поради тоа францускиот претседател Емануел Макрон најави дека ќе го зголеми военото присуство во регионот и ја повика Анкара да го стопира истражувањето. Француската и грчката армија вчера имаа воени вежби во близина на Крит.

Поради турските акции, Европска Унија веќе воведе санкции за двајца претставниците од турскиот енергетски сектор.

Ердоган вчера телефонски разговараше со германската канцеларка Ангела Меркел и со претседателот на Советот на ЕУ, Шарл Мишел, при што истакна дека Турција ги брани своите права.

И Турција и Грција потенцираат дека ги штитат своите интереси и ја обвинуваат другата страна за конфликтот.

Советот за надворешни прашања на ЕУ денеска ќе одржи вондреден состанок поради активностите на Турција во Источен Медитеран.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.