Парламентот на Црна Гора денеска го ратификуваше Протоколот за членство на Република Македонија во НАТО. На седницата присуствуваше претседателот на Собранието на Република Македонија, Талат Џафери.

Претседателот на црногорското Собрание Иван Брајовиќ им честиташе на Македонија и Грција за Договорот од Преспа, со кој беше ставен крај на повеќедеценискиот спор.

Тој нагласи дека двете држави со тоа му покажале на целиот регион, на Европа и на светот дека со мудро раководство е можно да се надминат повеќегодишни спорови.

Шефот на црногорската дипломатија Срѓан Дармановиќ во обраќањето пред пратениците истакна дека пред нив е историска одлука, бидејќи Црна Гора прв пат одобрува пристапување на некоја друга земја во НАТО.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.