На магистралниот пат Ниш – Приштина кај селото Барлово, кај Куршумлија утринава околу 7 часот дошло до сообраќајна несреќа во која загинале четворица патници, а има повеќе повредени.

Како што соопштија од српското МВР, во сообраќајката учествувале камион и автобус на „Ниш – експрес“ кој при несреќата се запалил.

Неофицијалните информации се дека меѓу загинатите се возачите на автобусот и на камионот.

Сообраќајот е во прекин, а полицијата работи на расчистување на случајот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.