Најмалку 1.800 униформирани припадници на полицијата и голем број старешини и припадници на криминалистичката полиција ќе се обидат да спречат инциденти поради устоличувањето на митрополитот Јоаникиј во манастирот Цетиње на 5 септември. Управата на полицијата е соочена со најголем безбедносен ризик во поновата црногорска историја, јави РТЦГ.

Оперативниот штаб на Управата на полицијата направи безбедносен план со најмалку три можни сценарија со цел да се зачува мирот во Цетиње и Подгорица и да се заштити безбедноста на учесниците на верскиот собир и гостите, но и демонстранти, објавија „Вијести“.

Полицискиот директор Зоран Брѓанин цело време ќе биде во тој штаб, а постапките на полицајците, како што беше планирано, ќе бидат снимени со специјални уреди за аудио-визуелен мониторинг со цел дополнително да ги контролираат нивните дејствија, но и нивната заштита.

Советот за национална безбедност вчера издаде упатства до органите на разузнавачкиот и безбедносниот сектор за, како што објавија по седницата, да ја зајакнат координацијата со цел зачувување на уставниот поредок и заштита на правата и слободите.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.