Поранешниот градоначалник на Солун, Јанис Бутарис, во денешното интервју за ТВ 24 Вести изјави дека пред три години не бил нападнат физички во јавноста од неговите конзервативни сограѓани само поради неговата поддршка на Преспанскиот договор.
Сакавме да организираме геј-парада во Солун во 2021. Не се одржа поради корона вирусот. Не знам што ќе се случува сега – рече Бутарис, кој деновиве е посетител на Скопје.
Тој додаде дека одбивањето на актуелната грчка власт да ги ратификува меморандумите во грчкиот парламент, согласно Преспанскиот договор, е поради внатрепартиски препукувања во владеачката Неа Демократиа.
Бутарис очекува голем меѓународен притисок над Бугарија кој ќе издејствува нејзино повлекување од спорот со Македонија и деблокада на евроинтеграциите.
Верувам дека притисокот до крајот на годината од земјите членки на ЕУ и НАТО кон Бугарија ќе биде доволно голем за тие да сфатат дека тоа е за подобра иднина на двете земји – наведе Бутарис.
Политичарот кој 9 години беше градоначалник на Солун вели дека во Грција се уште се зборува дека „Македонија“ еден ден ќе ги нападне и додаде дека на ниту еден сообраќајните патокази во околината на неговиот град повеќе не пишува ФИРОМ, туку само „Скопје“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.