Бугарскиот технички премиер Стефан Јанев денеска изјави дека земјата прави сè што е неопходно за заштита од нов мигрантски бран.

– Во моментов, не е неопходно да се вклучат вооружените сили во обезбедување на границата, истакна Јанев во парламентот за време на расправата за подготвеноста и плановите на владата да се справи со нов бран мигранти.

Тој појасни дека одлуката за вклучување на вооружените сили ќе биде донесена кога тоа ќе го наложи тоа ситуацијата, јави БТА.

-Во моментов го правиме она што е неопходно во врска со подготовката на државата, подготовка на националните елементи на системот за национална безбедност за заштита на државната граница, рече Јанев.

– Министерството за одбрана е подготвено да распореди до 1.051 војник на бугарско-турската граница, со процена на три ротации од по две недели, изјави техничкиот министер за одбрана на Бугарија Георги Панајотов.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.