Босанецот Неџиб Муртиќ патентирал нов вид на нуклеарна бомба, која, како што тврди, има потенцијал да го смени светот кој го познаваме.

Имено, Институтот за интелектуална сопствeност на Босна и Херцеговина во мај 2019 година издал решение за доделување консензуален патент за пронајдокот под име „Експлозивно реактивна направа“.

Изумот спаѓа во областа на атомско фузиско оружје, кое користи плазма, односно атомско јадро на кислородот и азот за создавање експлозија, се наведува во објаснување на патентот.

За време на напуштање на атомското јадро, неутроните поседуваат огромна температура, минуваат низ магнетно поле со позитивен набој и доаѓаат во механички допир со магнетот, го топат магнетот и така плазмата ја напушта комората, односно доаѓа во допир со влажниот воздух.

Последицата на сето тоа е верижно палење на водородот во влажниот воздух на големо пространство. На ниво на хидрогенска бомба.

Овој вид нуклеарна бомба може да се нарече и еколошка нуклеарна бомба, бидејќи после силната експлозија нема радијација.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.