Станиците на две од трите линии на метрото во Атина денеска се евакуирани и затворени по анонимна дојава за бомба, соопшти компанијата Штази, која управува со метрото.

Сите станици на линиите два и три се евакуирани и затворени по наредба на полицијата, а затворен е дури и контролниот центар“, велат од компанијата.

Мерката била преземена по телефонски повик во кој било кажано дека биле поставени експлозивни направи во метро станицата Синтагма и во соседната станица Монастираки, во близина на туристичкиот кварт Плака, соопшти компанијата Штази.

Полициски екипи за деминирање и специјални кучиња трагачи беа испратени да ги проверат станиците.

Компанијата соопшти дека во текот на денешниот ден се очекува повторно да почне со работа метрото во главниот град на Грција.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.