Советот на министри на Албанија вчера одобри Нацрт-закон со кој се уредува третманот на осудените со затвор и притвор, а со кој се предвидува и изградба на приватни затвори.

Во членот 15 од новиот Предлог-закон се вели дека институциите за извршување на кривични одлуки се јавни и приватни и дека Советот на министри ги поставува правилата за функционирање, администрација, склучување договори, како и правилата за утврдување на безбедносните елементи во приватните институции за извршување на кривични одлуки.

Според Предлог-законот право на сместување во овие приватни затвори ќе имаат осудените на кои им е изречена казна затвор до пет години. Но, право за сместување во приватните затвори нема да имаат осудените лица кои со судска одлука се сместени во високообезбедени затвори.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.