Во Грција, кој сака да ја напушти куќата на Божиќ за да ги посети роднините, ќе мора да испрати СМС и да ги извести властите каде оди, а истото важи и за враќање дома.

Грчката полиција ќе даде посебен акцент на одржување на рестриктивните мерки за време на Божиќ, кога секој што ќе ги прекрши рестриктивните мерки ќе плати 300 евра, пренесе агенцијата АНА.

Конечната одлука за рестриктивните мерки ќе ја даде полицијата, а она што е веќе познато е дека полицискиот час од 22.00 до 05.00 часот ќе остане во сила за време на празниците, вклучиувајќи го Бадник и новогодишната ноќ.

Секој што ќе вози низ улиците на Атина за време на полицискиот час ќе биде запрен и ќе му се бараат документи, односно потврда за дозвола за движење за време на полициски час, што може да го имаат само медицински лица и работници на некои други служби.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.